إجمالي مرات مشاهدة الصفحة

السبت، 23 أبريل 2011

لقاء بين حبيبين بعد طول غياب

على نهر النيل الصافى كان يجلس وعيناه شاردتان يفكر فى حبيبته يتذكر الايام الجميله التى كانت تجمعهما سويا.
كانت عينيه مليئه بالحب والدفئ والحنين وفى نفس اللحظه التى كان يفكر فيها رأها امام عينيه.
كان قلبه ينبض بضربات متتابعه وسريعه يتمنى الذهاب اليها  ولكنه خشى ان تكون احبت احدا غيره ولكنه راى ابتسامتها وكانها هى الاخرى كانت تتمنى ان تراه.
 ترى هل حلم ام حقيقه هى فعلا امامى كنت اتمنى ان اراكى من زمن بعيد  كنت اتذكر دائما حبنا كانت هذه الكلمات بداخله لم يفصح باى منها.
نظر اليها بأبتسامه فرح بادلته بابتسامه مثلها كان ينظر الى الاشجار وهى تتمايل كانها هى الاخرى فرحه بهذا اللقاء .
اخذت هى تنظر اليه وتترقب وبداخلها شى تريد ان تفصح عنه ولكنها تتردد فى ذلك.
ذهب اليها واخذت الكلمات تخرج من فمه واحده تلو الاخرى وهو لا يستطع السيطره على نفسه من الفرحه
-تصدقيننى عندما قول لكى اننى كنت افكر فيكى فى نفس اللحظه التى رايتك فيها
نظرت اليه بابتسامه قصيره ثم اشاحت بوجهها برفق تنظر الى النيل الصافى وتتذكر هى ايضا الايام التى جمعتهما سويا.
ثم نظرتك اليه وقالت اما زلت تحبنى وتتذكرنى دائما 
قال:  وكيف انساكى انسى روحى وعقلى وانسى الايام الجميله التى جمعتنا معا
ولكنى اسال هل انتى مازلتى تحبينى ام الايام جعلتكى تنسينى
قالت : اتسال وانا ايضا هنا مثلك فى نفس المكان
قال :كنتى ايضا تاتى الى هنا
قالت :نعم عندما احس بالاشتياق اليك كنت اتى واتذكر الايام التى جمعتنا سويا
قال: كنتى تعلمين انى هنا .
قالت : لا بل احساسى كان يجعلنى اشعر بانك كنت هنا .
قال: اتعاهدينى الا يفرق بيننا احد بعد اليوم كما كان سابقا
قالت : نعم اعاهدك ....... اتعاهدنى انت الا تتركنى لحظه واحده
قال : اعاهدكى يا من احبه قلبى وعشقه واصبح يتغنى به طول عمره
فانتى نعمه من ربى انعم بها على
عندما كنت اعيش فى فراقك عنى اشعر بالدنيا ليس طعم احس بان حياتى ليس لها هدف لاعيش من اجله.
                                     اما الان فسأعيش من اجلك انتى



الأربعاء، 20 أبريل 2011

بدايتى مع التدوين

السلام عليكم ورحمه الله  مساء او صباح الورد عليكم كما تقول رحاب صالح
 فى بدايه حوارى احب اشكر صديقى عمرو يسرى صاحب مدونات خواطر وفضفضه  لانه هو السبب الرئيسى فى انى اصبحت من المدونين.
واليكم نبذه بسيطه بدايتى مع التدوين
فى البدايه كنت بتابع مدونه صديقى عمرو يسرى على الفيس (خواطر) ولم اهتم بعمل مدونه مثله لانى بصراحه مكنش عندى شى اكتبه.
ولكن اثناء الثوره التى تاثرنا بها جميعا اصبح هناك هدف اكتب من اجله استفذنى وقتها الاحداث والاعلام المصرى الكاذب والفناين المؤيدين لمبارك الذين لم يحسوا باوجاع المواطن المصرى وقررت انى اعمل المدونه افضفض فيها معاكم واناقش قضايا بلدى وكمان شويه خواطر ورومانسيات وبجد مندمتش لحظه انى عملت المدونه.

بعد كده اشكر امل عبد الحميد شاهين صاحبه مدونه مصر حره
لانها من الاشخاص الذين رفعوا من معنوياتى فى بدايه مرحله التدوين وفى الوقت اللى كان عدد المتابعين ليا 4 فقط
هم طبعا انا وعمرو وامل ورشا (خواطرى مع الحياه)
وطبعا وقتها مكنتش ليا نفس اكتب والمتابعين كده
بعدها شجعنى عمرو وامل شاهين على الكتابه
بعد التشجيع ده قررت احترم هؤلاء المتابعين حتى لو كانوا قلائل.
بدايتى الحقيقه كانت بعد ثوره 25 ينايرعندما كتبت خاطره عن شباب 25 يناير بعنوان تحيا شباب خمسه وعشرين
http://sheref2010.blogspot.com/2011/02/blog-
post_12.html
بعدها اتعلقت بالموضوع وعرفت المدونين واتعلقت بيهم واحسست انهم اهلى لدرجه انى كل ما اقابل عمرو نتكلم عن المدونين
والحوار يطول مهما يطول لايمل احد منا
تحدثت عنكم ايها المدونون وكانى اعرفكم عن قرب
كنا نتحدث عن مدام جايدا والمدونه الخاصه بها( قد ايه رائعه ) وعلمت ايضا من عمرو ان زوجها مدون هو كمان(عقبال الاولاد يا مدام جايدا) 
وكل سنه وانتى طيبه بمناسبه عيد ميلادك
تحدثنا عن رشا (خواطرى مع الحياه)اللى باذن الله بلدها هتتحرر قريب
-تحدثنا عن امل عبد الحميد شاهين ربنا يرجعها بالسلامه وتذكرنا حوارت الاخوان مع امل والاستاذ نور الدين فى جروب المدونين
-تحدثنا عن كيمو صاحب مدونه صوت من مصر وبالرغم من وجود تحفظات على كيموالا ان عمرو شكر فيه جدا وقالى انه بجد قلبه طيب وهتحبه اول ماتشوفه 
-تحدثنا عن رحاب صالح وغاده محسن وسونى وايمان الحب الجميل ورامى اللى عمرو بيقول انه من اكتر الناس اللى حبهم
ربنا يديم المحبه بينا ان شاء الله
سلامى وتحياتى للجميع
شريف صابر



الأحد، 10 أبريل 2011

مين اللى قال ان مبارك ابونا؟

هو فى اب يعمل فى ولاده كده يحرمهم من حقهم انهم يعيشوا يحرم ولاده من خير بلدهم.
فى اب يبيع حق ولاده لاعدائهم وهم محرمين ومحتاجين.
 فى اب كل همه جمع الاموال على حساب حريه وكرامه ولاده.
-عصر مبارك كان من اسوء العصور فى تاريخ مصر عصر الديكتاتوريه عصر الا كرامه عصر الظلم والاستبداد عصر قمع الحريات عصر بيع البلد للاغراب.
لو رجعنا بالتاريخ للوراء من اول عصر الفراعنه الى ما قبل مبارك هتلاقى كل العناصر دى كنت موجوده الا بيع البلد.
قام ببيع توشكى وسيوا ...ياراجل دانا سمعت ان الساحل الشمالى متباع
قام ببيع الغاز لاسرائيل بسعر محدش هناك يحلم بيه لا وايه السعر ثابت لمده 20 عام واحنا هنا بنعانى من ازمه فى الغاز.
مع العلم ان الاحتياطى المصر من الغاز هينتهى بعد 20 عام لمصلحه مين الكلام ده طبعا لمصلحه ناس بتاخد فلوس من تحت الترابيزه
قام ببيع مصانع كانت بتدخل عائد كويس للبلد يعنى مكنتش خسرانه زى ما بنسمع
عندنا شباب عاطل عايز يشتغل يعنى عايزين المصانع تكتر فى بلدنا وبادينا نطورها  ونزود انتاجنا وابونا باعها وخربها وسابها
- قالوا دا هو ملوش دعوه  ومكنش حاسس باللى بيحصل
يعنى ايه هى بلدنا مصر لعبه دى مسئوليه واللى مش حاسس بيها وبقيمتها يسبها
-عايز اوجه رساله لمبارك واقول فيها ...... صحيح انت جبت منين 70 مليار دولار من قوت الشعب مش كده طب قولى تعمل ايه لما كل واحد من شعبك يوم القيامه يجى يطلب حقه منك .
ظلمت ناس كتير ملهاش اى ذنب كل ذنبها انها عايزه تعيش وتشوف بلدها فى احسن حال
قلى تفتكر اخرتك شكلها ايه وقدام ربك هتعمل ايه ولا انت ناسى ان فى رب وانا عن نفسى ميشرفنيش انك تكون اب

الأحد، 3 أبريل 2011

احداث مباره الزمالك والافريقى مرتبه وبفعل الثوره المضاده

اولا وقبل كل شى احب اقدم اعتذار باسم شعب مصر لشعب تونس الشقيق صاحب اول شراره صنعت الحريه
ما حدث فى مباراه الومالك والافريقى التونسى من اعمال بلطجه واعتداء كانت من فعل الثوره المضاده التى تريد تشويه صوره الثوره المصريه المباركه التى وقفت امام نظام فاسد مستبد تطالب بحريتها
ماحدث كان مدبرا مائه بالمائه ومعمول حسابه حتى لو فز الزمالك او خسر المباراه كان سيحدث ذلك بكل تاكيد
واكد احد شهود العيان انه سمع احد الاشخاص يتحدث فى هاتفه المحمول ليتلقى التعليمات واقسم انه سمعه وهو يقول (مش عايزين حد وهو نازل ياخد معاه حاجه تثبت انه من الحزب الوطنى)

الهدف من هذا الفعل المهين  ليس تسخين العلاقات بين البلدين ولكن الهدف منها هو تشويه صوره الثوره المصريه  واشغالها عن ملاحقه الفاسدين
الهدف من ذلك ايضا هو ايهام الجاهلون بان ثوره الشباب ثوره حراميه وعهد مبارك هو عهد الامن والامان كما يوضح هذا الفيديو




طبعا فى ناس بتقول ان جمهور الزمالك هو اللى قام بهذه الاعمال لهزيمته فى اللقاء وان حسام وابراهيم حسن هم من قاموا بشحن الجماهير لنزولهم الملعب
احب اوضح النقطه دى بالتحديد لان عندما قام ابراهيم وحسام حسن بالاشاره للجماهير كانوا يشيرون  لجمهورهم بالتشجيع لان الحكم اعلن عن الوقت بدل الضائع للمباراه وامام الزمالك فرصه للتاهل خاصه وان الافريقى يلعب بعشره لاعبين
ولكن اثناء اشاره التوام للجمهور كانوا البلطجيه يتوافدون باسلحتهم الى الملعب فظن البعض انهم هم من شحنوا الجمهور
ولكنى اتسال عن سوء الوضع الامنى داخل و خارج الاستاد ولم سمح لهؤلاء بالدخول ومعهم هذه الاسلحه والعصى؟
وهل كان اللواء عبد العزيز امين رئيس هيئه الاستاد على علم بذلك؟
طبعا لازم يتحقق مع كل المسئولين عن هيئه الاستاد سواء كانوا على علم اولا
 المهم اننا نسرع فى اتخاذ قررات رادعه تجاه هؤلاء البلطجيه ومحاكمه بقايا النظام الذين يحركون هذه الثوره المضاده

اخيرا احب ان اوجه الاعتذار مره اخرى للشعب التونسى