إجمالي مرات مشاهدة الصفحة

السبت، 12 فبراير 2011

تحيا شباب خمسه وعشرين

خرجوا ونادوا بصوت الحق وصوتهم كان عالى
ده رينا اسمه الحق  ولازم ينصر كل غالى
قالوا دى نا س مدسوسه هيخربوا مصر المحروسه
قالوا اخوان وكمان حماس ده كلام مالوش اى اساس
صحيح كان فى اخوان وحماس بس مش هم اللى صعنوا الانجاز
صنعوا شبابنا وكانوا ابطال قالوا لازم نعيش احرار
قولوا قولوا يا مصرين تحيا شباب خمسه وعشرين
قالو كنتاكى وقالوا دولارات قالوا دول شباب مالوش طلبات
اتجمع الشباب بالميدان وطالبوا باسقاط النظام
قالوا خليهم قاعدين كاننا مش سامعين
علو علو علو الصوت ده اللى بيتهف مش هيموت
قالوا دى حكايه بجد لازم نوضع لها حد
جابوا قنابل وجابوا رصاص وقتلوا  الشهدا يا ناس
بس شبابنا كانوا مصرين علشان حلمهم مكملين
قالواعلشان نعيش احرار لازم نكون ابطال
نادوا وهتفوا تانى لازم مصر ترجع تانى
ترجع زى ما كانت حره وليها كلمه وصوت
اصل بلدنا غاليه علينا وهتفضل دايما فى عنيننا
قولوا قولوا يا مصرين تحيا شباب خمسه وعشرين
نادوا شبابنا باعلى صوت لازم الفساد يرحل ويموت
اصلنا مش هنخاف تانى وصوتنا دايما هيفضل عالى
وعلشان مصر يهون كل غالى

هناك 6 تعليقات:

  1. يارب يا شريف ترجع مصر تاني بس انا حاسس ان مصر هاترجع اقوى بكتير من الأول بس ربنا يعين الجميع ويرزقنا برئيس كويس وبطانة صالحة

    ردحذف
  2. السلام عليكم

    سعيده انى دخلت مونتك وإن شاء الله من المتابعين

    اصلنا مش هنخاف تانى وصوتنا دايما هيفضل عالى
    وعلشان مصر يهون كل غالى جميل المقطع ده أوى

    كلها على بعضها جميله

    تقبلنى صديقه لمدونتك تحياتى لك

    أمل عبد الحميد شاهين

    ردحذف
  3. بجد تحفه تسلم ايدك على الجمال
    تحياتى اليك كثيرا

    ردحذف
  4. يارب مصر بيكم تبقى أحلى لينا وليكم يا شباب

    ردحذف
  5. بأذن الله مصر الجاية أغلى واحلى اسعدتنى زيارتك

    ردحذف
  6. ربنا يكتب لمصر الامن والاستقرار
    قول امين

    ردحذف