إجمالي مرات مشاهدة الصفحة

الأربعاء، 20 أبريل 2011

بدايتى مع التدوين

السلام عليكم ورحمه الله  مساء او صباح الورد عليكم كما تقول رحاب صالح
 فى بدايه حوارى احب اشكر صديقى عمرو يسرى صاحب مدونات خواطر وفضفضه  لانه هو السبب الرئيسى فى انى اصبحت من المدونين.
واليكم نبذه بسيطه بدايتى مع التدوين
فى البدايه كنت بتابع مدونه صديقى عمرو يسرى على الفيس (خواطر) ولم اهتم بعمل مدونه مثله لانى بصراحه مكنش عندى شى اكتبه.
ولكن اثناء الثوره التى تاثرنا بها جميعا اصبح هناك هدف اكتب من اجله استفذنى وقتها الاحداث والاعلام المصرى الكاذب والفناين المؤيدين لمبارك الذين لم يحسوا باوجاع المواطن المصرى وقررت انى اعمل المدونه افضفض فيها معاكم واناقش قضايا بلدى وكمان شويه خواطر ورومانسيات وبجد مندمتش لحظه انى عملت المدونه.

بعد كده اشكر امل عبد الحميد شاهين صاحبه مدونه مصر حره
لانها من الاشخاص الذين رفعوا من معنوياتى فى بدايه مرحله التدوين وفى الوقت اللى كان عدد المتابعين ليا 4 فقط
هم طبعا انا وعمرو وامل ورشا (خواطرى مع الحياه)
وطبعا وقتها مكنتش ليا نفس اكتب والمتابعين كده
بعدها شجعنى عمرو وامل شاهين على الكتابه
بعد التشجيع ده قررت احترم هؤلاء المتابعين حتى لو كانوا قلائل.
بدايتى الحقيقه كانت بعد ثوره 25 ينايرعندما كتبت خاطره عن شباب 25 يناير بعنوان تحيا شباب خمسه وعشرين
http://sheref2010.blogspot.com/2011/02/blog-
post_12.html
بعدها اتعلقت بالموضوع وعرفت المدونين واتعلقت بيهم واحسست انهم اهلى لدرجه انى كل ما اقابل عمرو نتكلم عن المدونين
والحوار يطول مهما يطول لايمل احد منا
تحدثت عنكم ايها المدونون وكانى اعرفكم عن قرب
كنا نتحدث عن مدام جايدا والمدونه الخاصه بها( قد ايه رائعه ) وعلمت ايضا من عمرو ان زوجها مدون هو كمان(عقبال الاولاد يا مدام جايدا) 
وكل سنه وانتى طيبه بمناسبه عيد ميلادك
تحدثنا عن رشا (خواطرى مع الحياه)اللى باذن الله بلدها هتتحرر قريب
-تحدثنا عن امل عبد الحميد شاهين ربنا يرجعها بالسلامه وتذكرنا حوارت الاخوان مع امل والاستاذ نور الدين فى جروب المدونين
-تحدثنا عن كيمو صاحب مدونه صوت من مصر وبالرغم من وجود تحفظات على كيموالا ان عمرو شكر فيه جدا وقالى انه بجد قلبه طيب وهتحبه اول ماتشوفه 
-تحدثنا عن رحاب صالح وغاده محسن وسونى وايمان الحب الجميل ورامى اللى عمرو بيقول انه من اكتر الناس اللى حبهم
ربنا يديم المحبه بينا ان شاء الله
سلامى وتحياتى للجميع
شريف صابر



هناك 13 تعليقًا:

  1. ربنا يخليكم لبعض وتفضلوا اصدقاء طول العمر
    الصديق الي بجد يوقف مع صديقة


    وربنا يسمع منك دعاك وتتحرر بلادي وتبقى طير طليق من قفص الظلم
    دائما المشوار يبداء من الصفر ويطلع لفوق
    وانت الحمدلله نجحت وطلعت للعشرة
    يشرفني اني اكون من متابعي مدونتك البسيطة

    ربنا يوفقك يارب ويسعدك
    تقبل مروري ^_^

    ردحذف
  2. طبعا شريف كلنا كنا كده فى البدايه

    انا لما فتحت المدونه بعد ايام لقيت مافيش حد بيقرالى خالص لانى ما كنتش اعرف حد ولا اعرف انى لازم اعلق واعرفهم بيا

    وتقريبا تركته شهر ورجعت لقيت بنوته حلوه بتقولى ليه مش بتزورينا انت لو اتعرفت مدونتك هتبقى مشهورة وزورتها وفهمت وكل متابع يذيد افرح واقول لو يبقوا خمسه عشرة خمسين بس يارب

    وجه وقت كنت تقريبا ببقى طول الليل ارد خايفه حد يزعل منى

    والحمد الله انت شايف بنفسك

    اللى عايزة اوصلهولك لا لليأس ولكل مجتهد نصيب

    بس لما تابعينك يبقوا 100 انشالله قريبا افتكر كلامى

    ومدونتك هتبقى اعظن واجنل باذن الله قد ايه عمرو انسان جميل

    ورشا وامل ربنا يحفظهم يارب

    وربنا يوفقك دائما

    تحياتى

    ردحذف
  3. السلام عليكم

    رحلة التدوين رائعة بكل ماتحمله من ذكريات
    عن نفسى التدوين لم يكن ايضا ببالى على الاطلاق لكن كانت هناك فكرة مجلة اسلامية لكن لم يوفقنا الله لها لكن اصبحت المدينة الفاضلة بالنسبة لى كطفلتى المدلله لايمكن الاستغناء عنها ابدا

    اكتب كل ما يخطر ببالك لا تهمل مدونتك ابدا ولا تنتظر من يقرأ لك لكن كن حريص ان اغلب شرائح المجتمع ستدخل بموقعك لذلك ابحث دائما عن الصدق والرقى بكلماتك حتى تدوم كلماتك من بعدك


    بوست رائع اخى ويدل على طيبة قلب وتواضع

    استمر ربنا يوفقك
    بالنجاح دائما والتألق

    تحياتى لك

    ردحذف
  4. منووووووووووور:))
    هتشوف ان التدوين بأذن الله
    بعد كدا

    احلي
    يارب وكمان هنعمل لبلدنا حاجات كتير جدا

    ردحذف
  5. يارب يديم المحبه والاخوه ف الله احسن حاجه فينا

    او ف علاقتنا ببعض كمدونين اننا كلنا بنحب بعض

    وقلوبنا على بعض من غير مقابل ومش رياء ولا نفاق

    ولا عشان مصلحه وانت يا شريف بجد حد محترم جد شرف

    لينا كلنا ان يكون وسطنا مدون وانسان محترم زى

    حضرتك اسعدنى تواجد هنا هذاالصباح واسعد قلبي جدا

    كلامك العطر تقبل مرورى وانا لسه على وعدى معاك

    اجمل حفله لعيد ميلادك ان شاء الله

    ردحذف
  6. السلام عليكم ورحمه الله
    مساء او صباح الورد عليكم جميعا
    اسعدنى تواجدكم ورفعتم من معنوياتى كثيرا
    هرد على كل منكم فى سطر واحد
    رشا :رفعتى معنوياتى بس انا لسا لم اصل الى العشره على العشره
    مدام جايدا:اكيد لا ياس مع الحياه وان شاء الله اللى جاى احسن
    ام هريره:كلامك اسعدنى ويارب اكون عند حسن ظنك بى
    سونى: وجود مدونين مثلك بيخلينى احسن ان اللى جاى احسن
    منه يا منه:يارب يديم المحبه بينا كلنا يارب واسعدنى تعليقك الرائع وعيد ميلادى اكيد هيبقى احسن طالما انتى والمدونين هتحتفلوا بيه وبلاش حضرتك انا 24 سنه يعنى لسا صغير
    تحياتى لكم جميعا
    واسعدنى تواجدكم

    ردحذف
  7. ازيك ياشريف يارب تكون بخير ويطمنى عليك

    رائع اخى
    كلنا مرينا بنفس التجربه
    وطبعآ كان ليا صديقه هى اللى شجعتنى ان ادخل عالم التدوين
    والفضل يرجع ليها بعد الله سبحانه وتعالى

    تحياتى ليك ولصديقك
    ويارب يديم الحب فى الله بينكم

    ردحذف
  8. ربنا يديم الحب بينكم
    كلماتك كلها حنان
    ودا من طيبه قلبك
    واحساسك الرقيق

    تقبل مروري

    ردحذف
  9. ايناس
    ليكى وحشه بجد بقالك فتره مبتعده لعل المانع خير
    تحياتى ليكى

    ردحذف
  10. ساسو
    زيارتك الاولى لمدونتى المتواضعه بجد اسعدتينى بهذه الزياره
    ويارب تكونى من الزائرين الدائمين
    تحياتى ليكى

    ردحذف
  11. بصراحة انت اخجلتني
    يعني مش عارفة اقول اية ؟
    بجد
    يعني
    مهما اقول مش هعرف اقول اللي جوايا
    وميرسي بجد ان في حد فاكر دايما كلمتي مساء او صباح الورد....اشتهرت انا بيها
    عالم التدوين رائع جدا ومهما اغيب عنه الاقيني برجع له بشوق
    انت هتخليني استرجع ذكرياتي الاولي ف التدوين قريب بإذن الله
    ميرسي مرة تانية وشكرا ليك انك افتكرتني

    ردحذف
  12. يارب منور التدوين والبلوجر دايما يا شريف
    بالتوفيق يارب
    واشكر عمرو يسرى على كلامه الجميل
    تحياتى لكم

    ردحذف
  13. رحاب صالح
    عمرى ما انسى الناس الحلوين زيك يا رحاب
    وبجد انتى بتورينى لما بتدخلى تعلقى
    ويارب يديم المحبه اللى بينا
    تحياتى

    ردحذف